Сійö дорис Победа

Регыд воас миян му вылын медся мича да кыпыд праздник – Победа лун. Зэв ыджыд аттьӧ ставлы, коді дорис Ыджыд вермӧм.

На лыдын Иван Егорович Нестеров. Война вылö нуисны 18 арӧсӧн. Белорусскöй фронт вылын тӧдмасьліс Сöветскöй Союзса Герой Александр Матросовкӧд. Воис Польшаӧдз, кӧні ранитчис да веськаліс госпитальö. Гортас лэдзисны сьӧкыд дойясӧн, та вӧсна Иван Егорович дыр на бурдӧдчис. Ёнмыштӧм бӧрын уджаліс колхозын. Олӧмыс орис 45 арӧсӧн, водзö овны эз лэдзны сьöкыд дойяс.

Гӧтырыс, Александра Павловна Нестерова, колис дӧваӧн 44 арӧсӧн, нёль челядьӧн. Бӧръя дас вит восӧ олӧ Донын Надежда нылыс ордын. Александра Павловна уджаліс райпотребсоюзын бухгалтерӧн, районса архивын, районса больничаын. Таво тырас 88 арӧс. Олӧма аньлӧн 9 внук, 11 правнук.

Чолӧмала Александра Павловнаӧс Победа лунöн, сиа ён дзоньвидзалун да шуда олöм.

Раиса ТИМУШЕВА,

ветеранъяслӧн котырӧн юрнуӧдысь.